政情：求助人行事閃縮 陸靈中氣谷

陸靈中指近日收到一位巿民嘅求助，指幾年前喺銀行職員誤導之下購買儲蓄保險。之不過，當事人已簽署相關文件，即使要求對方詳列當年購買嘅過程，但又拒絕配合。陸話要同大銀行交涉絕對唔容易，更何況欠缺足夠資料呢？要幫當事人追番晒已供嘅數萬元保險金額，簡直不可能。而最令陸費解嘅係當事人雖然廿幾歲，但求助都係由媽媽出面，自己一直匿喺背後而不願正面處理！

陸靈中重申，求助人若可講得出個道理來，基本上佢唔會請對方食檸檬。但如果自己都放軟晒，咁又點幫得落呢？佢又話毫無意志，自己唔想負責任嘅人，唔好諗住區議員由頭到尾全套服務「餵到埋口」，畢竟世上係唔會有咁便宜嘅事！