昔日東方政情：鍾國斌破戒 一晚飲7支靚酒
間唔中喺社交平台都會見到，紡織及製衣界前議員鍾國斌（Felix）貼文同上載啲相，尤其係飲靚酒嘅相，近日佢又上載咗張相，竟然係一晚飲咗7支靚酒。唔少網友睇見都起哄，但有前議員同事竟反問佢：「你不是戒酒嗎？」
點解咁高興呀？呢張相係前晚影嘅，而呢7支酒全部都係同一年份，係1997呀！Felix仲話好耐冇開過咁多支同一個年份嘅酒嚟飲。相信大家都估到喇，事關香港喺1997年回歸，尋日係25周年。唔怪之得咁盡興喇！
前議員同事：你不是戒酒嗎？
Felix係飲得之人！仲記得幾年前，佢參加一個聖誕派對，唔單止玩足全場，仲力壓一眾年輕對手，成為啤酒競飲大賽冠軍，真係寶刀未老！但係啲網友見到佢今次張相，第一個反應係問佢：「你不是戒酒嗎？」仲有佢過去嘅議會同事、會計界前議員梁繼昌都一樣係咁問，但係佢就冇回應點解破戒喎。吖！究竟佢點解要戒酒呢？
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
