政情：林琳揭立會有新「超人」

撞破？確實係。事關唔少政商界人士喺呢兩日都要喺酒店閉環，班議員都唔例外，佢哋基本上都要留喺酒店房，相信只有做新冠病毒測試先可以步出房門，林琳喺社交平台貼文，話前日去做測試時畀佢發現，醫療衞生界議員林哲玄（David）竟然係隨時着住醫生工作服，準備候命救急扶危。

林琳仲忽發奇想，話極有理由相信David平時喺立法會開會時，喺西裝入面都係着住醫生工作服，準備隨時超人上陣咁話喎。講到好似超人掹開件恤衫就見到個「S」字咁款。咁成日着住件醫生工作服嘅David又點睇呢？林琳引述David嘅感受，話其實件衫好着又舒服。