昔日東方政情：陳劍琴讀鎖匠課程 行內術語唔明
本身係註冊社工嘅荃灣前區議員陳劍琴，有見某啲工藝或工匠行業正在萎縮，於是報讀鎖匠訓練課程，並於日前開課。不過行內嘅術語，佢一時之間未能把握，當師傅話「你摸到啲珠就會開到。」佢就諗咗好耐，又望咗好耐，到底邊度有「豬」？
7個學生得佢一個女
雖然呢個誤會好惹笑，但佢話學習一種新嘅技能或知識，就好似學一套新嘅語言咁，明白該領域或行內人先至用到嘅術語，感覺上成個世界都闊咗。
跟住佢有感而發咁話，對住啲爛嘅嘢，可能都會萌生放棄嘅念頭。但係其實呢個世界亦都有好多嘢，即使壞咗、爛咗都唔一定要放棄。放棄之前，不如諗吓點樣維修好佢。就算壞咗嘅鎖，都有開壞鎖嘅方法。
陳劍琴又話報讀嘅鎖匠訓練課程，全班7個學生當中，只得佢一個女學員。佢希望以後唔係得開鎖佬，都有開鎖妹或開鎖姐咁話。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
