政情：元朗再停電 周浩鼎直播解畫

經過上次大停電嘅事故，市民都變咗驚弓鳥喇！幸好，前晚停電嘅範圍只係喺元朗水邊圍邨泉水樓。周浩鼎喺直播中話經同事到場了解，今次停電只係大廈「跳掣」所導致，同電力公司無關，但由於糾纏咗兩個多小時都未搞得掂，所以就算係深夜11點幾，都有必要做直播同大家匯報一下。佢話停電喺當晚8點幾發生，其後泉水樓一至20樓嘅用電經已陸續恢復，大廈升降機亦可維持運作，不過22至26樓嘅電力仍未恢復供應。

周浩鼎又話，之所以搞咗兩個多小時大廈電力都未能完全恢復，皆因跳掣之後發現有某啲零件需要更換，然而相關部門嘅同事在搶修中，冀受停電影響嘅居民耐心忍耐一下。佢話若果再過一段時間，停電樓層仍未恢復供電，佢就會要求電力公司派出可以臨時發電嘅「燈車」，以支援受停電影響嘅樓層。