昔日東方政情：陳帆落區短片 字幕甩轆令人愕然
本屆政府任期即將完結，但臨尾都「甩轆」喎。話說運輸及房屋局嘅社交專頁「運房點線面」出咗新影片，局長陳帆落區探望公屋住戶，但字幕就出現「五星紅旗五個，這代表我要獨立」嘅字眼。搞邊科呢？
一句說話斷開兩截
其實係該名受訪住戶話要將自製嘅襟章送畀陳帆，跟住就介紹襟章上面嘅五星紅旗代表佢一定要獨立、真係要做嘢。之不過，顯示為書面語嘅字幕「我真的要工作」就喺下一秒先至出現。差一句，意思完全唔同，難怪會打咗個突，喺呢啲位真係要小心呀！好易令人誤解。本報曾為此聯絡運房局，惟至截稿仍未獲回覆。
話說陳帆喺2017年7月上任，之後曾出席基層市民居民大會，當時呢位受訪嘅劏房戶就坐喺陳隔籬，當時陳談及劏房環境嘅時候仲一度哽咽落淚，話生活環境「的確令人傷心」，難以令人接受。事隔5年後再探番呢位市民，原來佢喺2018年已成功上到公屋喇！
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
