政情：退役手機 陳學鋒不捨丟棄

話說陳學鋒喺大學時代，就已經擁有一部二手手機，其後佢踏足社會謀生，除手機外更添置電子手帳，跟住廿多年來社會不斷變化，需不時更換手機以追上科技潮流，不知不覺咁就一部又一部手機遭到淘汰。之不過，喺「雲端」技術未普及之前，新舊手機之間未必能夠做得到百分百嘅資料轉移。換言之，某啲比較少用嘅資料或電話號碼，可能仍殘存喺退役手機裏面。

陳學鋒保留退役手機，等如仍有機會讀取內裏嘅資料，但前提係手機必須操作正常，但令人扼腕嘅係，退役手機嘅充電火牛好多都搵唔番喇，無得充電又點開機呢？咁就惟有當係一種見證科技進展嘅收藏囉。