政情：裝遇溺警報無影蹤 康署解畫發噏風

話說泳池內雖有救生員當值，但單靠目測未必可以完全確保泳客唔會遇溺，於是就有人研究遇溺警報系統，監測泳池內每個角落，若發現有泳客於水中有一段時間停止動作，就發出警報並顯示遇溺者嘅位置，救生員就可以火速拯救。其實遇溺警報系統都唔算係新事物，唔少國家已經採用。

目前管理44個公眾泳池嘅康文署，就話一直探討喺公眾泳池使用人工智能科技以加強救生服務，但過去兩年受疫情影響，泳池一度關閉，研發機構未能進行試驗工作。隨泳池於本年5月陸續重開，研發機構已於6月中旬重啟試驗計劃。

田北辰指署方回覆並沒有解釋為何不能安裝系統，答覆如同虛設、「睇到眼火爆」，舉例指新加坡已經有多個泳池安裝該系統。田北辰認為署方選擇自行研發十分離譜，感覺政府及公務員認為香港「大把公帑所以乜嘢都自己研發」，及後安裝系統的進程或許「拖多10年喇！」他表示將會要求立法會民政事務委員會討論該事項，同時待新一屆政府上任後會繼續以多渠道「追數」。