昔日東方政情：何順文顯身手 英姿倒流40年
中學文憑試下個月就放榜，屆時又係專上院校招生嘅日子。香港恒生大學校長何順文早前拍攝短片，向外界介紹校園設施。
當提到室外籃球場兼網球場嘅時候，何校長就一展身手，先後示範投籃、同埋揮拍擊球嘅動作，跟住又以並列形式，上載佢同一個姿勢造型，但相隔四十多年嘅照片，令人感覺真係時光荏苒、歲月如梭啊！
介紹體育設施晒舊照
舊相中嘅何順文，係當年於西雅圖華盛頓大學求學時攝。何校長喺美國留學期間掌握打網球嘅技巧，之後都有維持打網球嘅習慣，但礙於香港夏天既漫長且高溫多雨，打網球嘅次數減少，約一個月一次，但就將較多嘅時間於室內運動場打羽毛球，又或者到泳池游水。
講起泳池游水，何校長指恒生大學擁有室外同室內兩個泳池，喺本地眾多院校當中比較少見。然而創校時已建成嘅室外泳池則長時間無人幫襯，原因係當時嘅法例規定，該泳池係用作儲水救火之用，不過每當暑假，就會開放畀同學、教職員及其家屬使用。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
