政情：林鄭社交平台最後貼文 網民洩憤

曾自爆唔知邊度買廁紙嘅林鄭，佢任內嘅功過，就有網民概括咁列出「在閣下的努力下，航空、海運、金融中心、最宜居住城市、最自由地區、學府排名、新聞自由，全部排名都在下降。」亦有人鬧爆佢嘅抗疫表現，指「回歸後，香港最黑暗的5年，天譴，記住起碼9千多寃魂晚晚找你。」有人狠批佢「唔好再刷存在感喇……捱埋呢幾日收爐喇，多得你香港先會愈撕愈裂……希望你唔好再去執政。」

雖然好多負面留言，但似乎亦有人「肯定」其民望並鼓勵佢卸任之後「多啲出街同市民見面，一定引來市民熱烈歡迎。」或「香港市民真係多謝晒你喇……」等比較「正能量」嘅說話。

而林鄭嘅「愛將」，將卸任嘅公務員事務局局長聶德權同日亦於官方專頁發文，指過去36年能夠喺政府不同崗位，透過與各部門、職系與職級嘅公務員共事合作，服務市民，實在感恩，亦是公職生涯中嘅珍貴回憶，並指自己日後無論在何處，初心不變。