政情：新界西北大停電 鄰里互助重現

實情係上周二晚元朗市及十八鄉、洪水橋、天水圍及部分屯門區等多處停電，而當日咁啱就係廿四節氣中嘅夏至。由於受停電影響嘅地區冇冷氣、冇風扇兼冇燈光，就連電話接收信號都有問題，於是大家都摸黑到戶外乘涼傾偈；另一方面，因為交通燈失靈，結果道路使用者都小心翼翼，互諒互讓，簡直係重現過去鄰里互助嘅光景！但當元朗南及元朗市喺當晚9點左右陸續恢復供電，呢個難得嘅景象亦為之終結。

梁福元又話，為免影響到鐵路、醫院同老人院嘅運作，同埋避免電梯困（車立），始終都係要盡快恢復電力供應，所以當電燈亮起嘅同時，周邊亦響起歡呼聲。