政情：指政府亂規劃靚地 7議會新丁激氣

有份開記招嘅議員江玉歡指，發展要睇整體規劃，然而觀塘區交通擠塞問題嚴重，職業訓練局同政府似乎未能作詳細解釋，亦無提供公眾諮詢意見，形容呢種「先生仔、後結婚」嘅立法程序唔可取。議員林筱魯亦指出，工程包括重置石油氣加氣站、籃球場同公共休憩用地等，批評政府僅將議程放喺教育事務委員會，再去工務小組以「打包」嘅形式通過，程序處理不恰當。議員張欣宇就批評海濱用地買少見少，質疑點解唔考慮將職訓局校舍起喺北部都會區？事關日後將有大量就業及實習機會，並要求財委會上進一步討論。

根據《財委會會議程序》，有關項目要喺財會重新審議，至少3名議員喺財委會召開前至少兩日，聯名要求推翻小組建議，並取得財委會過半數議員支持，先至可以再重啟討論。