政情：劉國勳搞錯咗 提問項目已通過

話說劉國勳提問時，指未來發展北部或者流浮山下白泥一帶，稔灣路同深灣路呢條道路都十分之重要，因此詢問當局會唔會考慮埋北部都會嘅發展擺埋落去，仲指多次落區，認為交通都成日發生險象。劉講完之後約莫有10秒，都未有官員回答，其後路政署署長陳派明打破沉默，指議案日前已經通過咗喇，稍後會去財委會申請撥款。劉呢個時候就知自己搞錯咗，話唔緊要啦，多謝晒。會議餘下嘅時間劉再冇發言。

會後劉國勳解釋，因忙於跟進大停電以及恢復供電事宜，無法抽身出席周三（22日）嘅工務小組會議。之不過，佢仍然關注稔灣路與深灣路嘅改善工程，所以想趁尋日開會嘅機會問番路政署署長。對於提問已通過嘅項目，自己亦有喺會上講唔好意思。