政情：日子撞啱屯元天 陳岳鵬母校停電

正所謂無巧不成話，原來喺新界西北大停電嘅同一日，地球另一端嘅美國加利福尼亞州發生山林大火，Ronald過往就讀嘅史丹福大學雖未受山火威脅，然而礙於供電中斷，即使主要校園仍有局部照明，但面授課堂則告暫停。睇番新界西北嘅電力供應已經恢復，但加州方面仍連夜搶修，似乎美國嘅效率不及香港喎，不過Ronald話據佢所掌握嘅資料，受加州山火影響嘅電力設施位置，並非如香港咁位於巿區，要處理嘅難度亦唔一樣，真係好難直接咁比較囉。

Ronald話過去喺史丹福大學遇到好多好出色嘅同學，以及難得嘅實習機會，可以話收穫甚豐，所以就算畢業多年，佢都好關心母校嘅動向。