醫健：職場健康：配合新修訂《危險品條例》下載更新版「化學品安全資料庫」App

阿安︰「阿全，夠鐘放飯啦喎！點解你個樣咁苦惱嘅？有咩幫到你啊？」

阿全︰「安哥，唉！我仲喺度忙緊更新貨倉裏面危險品包裝上啲標籤呀。乜你嗰邊咁快搞掂啦？好犀利啊！」

阿安︰「我都係靠用咗職安局嘅『化學品安全資料庫』App嚟幫手！個App本身就具備三大功能，包括：危險品相關資料、化學品安全標籤同職業衞生標準。最近仲因應政府對危險品安全嘅新規管，作出相關更新添！由於新規管嘅法規要求已經喺2022年3月31日正式生效，所以公司咪要我哋幫手將危險品包裝上啲標籤更新，因為喺新規管範圍下，啲標籤都改變咗呀！」

阿全︰「依家啲App咁犀利，仲與時並進！咁個App更新咗啲咩啊？」

阿安︰「除咗危險品啲標籤改變外，受規管危險品嘅數量亦增加咗唔少，仲有喺新嘅分類制度，而部分危險品嘅歸類與原有嘅有所不同。嗱！我拎部手機Load個App畀你望下，你就知㗎啦！」

阿全︰「咦！等我睇過，係喎！仲可以用危險品嘅『聯合國編號』去搜尋想搵嘅危險品。方便、方便！」

阿安︰「另外，仲更新咗危險品嘅豁免量、包裝類別添！」

阿全︰「咁唔怪得安哥你咁快手就搞掂晒啲危險品包裝上啲標籤啦！」

阿安︰「點止啊！你仲可以透過個App嘅分享功能，將危險品嘅相關資料以電郵甚至手機通訊軟件分享畀其他人，好嘢就梗係要『開心share』啦。你都快啲下載『化學品安全資料庫』App幫吓手啦。」

阿全︰「好易啫！用手機上去Android（https://bit.ly/3Oc7rRJ）或者iOS平台（https://apple.co/3HFKmnN）就可以下載到『化學品安全資料庫』App，等我分享埋條Link畀行家同朋友先！」

職業安全健康局

www.oshc.org.hk

第一手消息請下載on.cc東網 iPhone/ iPad/ Android/