政情：西九連年赤字 李梓敬：靠門票難維持

李梓敬話西九文化區有好多供巿民使用嘅設施，如海濱長廊、免費入場嘅M+博物館、同即將揭幕嘅故宮文化博物館。但眾所周知，做藝術，無論係香港還是世界各地，都係非常困難，因預料將來故宮文化博物館嘅門票收費頗為大眾化，咁就不免令人擔心，單靠門票收入的話，西九文化區好難維持。

李又話大家都要思考一個問題，究竟香港呢個國際城巿，文化對我哋嘅價值有幾高呢？李認為西九有相當部分係要以金錢嚟衡量，然而社會上能否接受政府補貼另一部分？李話西九已經係連續兩年虧損，並相信虧損嘅情況仲會持續一段時間，據了解下一年就會耗盡政府之前嘅撥款，可能要求政府再追加撥款，而西九方面亦已考慮籌募經費，或開拓其他收入來源，如開設商場吸引客戶等。