昔日東方政情：晤接班人孫東 薛永恒狂笠高帽
特區政府換屆在即，即將卸任嘅創新及科技局局長薛永恒，尋日就同候任創新科技及工業局局長孫東會面。兩人喺創科領域上都十分有研究，其中薛永恒任內就推出「安心出行」程式，令市民都對佢刮目相看，唔知兩人交談有咩得着呢？
薛永恒就表示，深信政府換屆同人事更替，唔會影響推動創科向前嘅工作，尤其喺建設國際創新科技中心嘅重要任務，祝願孫東同新一屆政府工作順利。
其實尋日朝早薛永恒喺一個電台節目都講過，自己私底下認識孫東，亦非常尊重對方，讚揚佢係一個有科研實力嘅學者，有應用科研成果嘅經驗，對佢好有信心。薛亦都提到依家係香港科研嘅「黃金時間」，期望新政策喺良好基礎上更上一層樓。
話唔熟廣東話冇問題
之不過，被問到孫東不諳廣東話，會唔會影響推動創科發展嘅工作？薛永恒就認為不必過慮，因為香港係兩文三語嘅城市，唔覺得語言會有咩影響；而作為問責局局長，最緊要係推動政策，對業界有認知。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
