政情：林素蔚執好籌 新政府上場後 提質詢行最頭

喺下周三嘅大會，本來係由林素蔚提出首個口頭質詢，由於大會取消，口頭質詢將順延至7月6日嘅大會，即係政府換屆後嘅首次大會。本來當日會議首項口頭質詢係由林新強提出，但新安排須順延到下一個大會嘞！

縱使有啲議會新丁主動撤回本月底嘅議員議案，爭崩頭咁申請喺7月6日動議，但係人算不如天算，受疫情影響，本周三嘅大會縮短議程，只處理6項口頭質詢同政府法案，本身嗰兩個議員議案就順延到下周三。點知下周三嘅大會取消，呢兩個議員議案就順延到7月6日嘅大會，咁好彩係邊兩個議員？咪就係嚴剛同郭偉强囉！佢哋分別提出「對接深圳，規劃共建深港口岸經濟帶」，以及「完善法定最低工資制度」。