昔日東方政情：鄧飛剷青 話想試清裝頭
清爽易打理嘅髮型，係好多男士嘅炎夏選擇。本身係中學校長嘅選委界議員鄧飛，日前就換上頭顱兩側同後面剷青，頭頂青絲則留有長度嘅「short back and sides」髮型，仲自拍照片上載社交平台添。雖然有網友留言話，佢嘅新髮型望落更年輕、好睇，但鄧飛就拉扯到過去清朝男人剃髮留辮嘅歷史喎。莫非佢教書嘅「職業病」發作，還是覺得今次頭髮剪得太短？
大講歷史故事
鄧飛話昔日留過長髮，但從未試過剃髮。但剪咗呢個剷青髮型之後，就有啲衝動想嘗試下某古裝電影裏面，韓星演員嘅滿清髮式。講起將前額同頭顱兩側頭髮剃光，只餘後腦拖一條辮嘅滿清髮式，而鄧飛就好似上中史課咁，話1645年滿清攝政王多爾袞頒布薙髮令，強制清軍治下嘅漢人必須改蓄滿清髮式。雖然有漢人大臣上書請求多爾袞收回成命，話擔心此舉不利人心歸服。不過，多爾袞就唔考慮咁多，只係話「得寸則寸，得尺則尺。」
結果往後嘅200多年，剃髮留辮竟成為漢人嘅積習。跟住鄧飛就認為歷史上好多所謂宏才大略，其實只不過係見步行步而已。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
