政情：古樹或須截肢拯救 陳月明盼盡量保留

陳月明早前出席活動時表示，指該樹由發展局工務科轄下的樹木管理辦事處（樹木辦）負責，並有一個專責小組已跟進該樹9年，但因為一年巡查兩次，湊巧該樹發生問題時中間有時間差。而佢哋視察後，依家先清除古樟樹周邊嘅雜草，再觀察3至6個月，睇吓會唔會再生長，有機會要「截肢」，不過現時先做拯救行動，要「截肢」都無辦法。陳月明亦指該樹太重要，每一個跟進步驟都要當局匯報。佢仲話鄉民都視古樟樹為精神寄託，希望盡量保留，等如風水一樣。

之不過，陳月明亦都指雖然政府部門作風比以前快，但落場視察時間仍比較慢。至於環保協進會總幹事邱榮光都話古樟樹依家有好大危機，唔係病咗先至去睇，因為樹對生態有好大作用。另外，現時潮流興生態旅遊，陳月明指打鼓嶺村近日有芒草睇，每日成千人睇，但設施未能負荷，影響村民生活，仲話佢哋門口嘅木瓜都畀人摘晒！認為經濟同生態要有平衡咁話。