政情：疫市生意堪憂 黃偉鴻教路食住潮流

黃偉鴻話依家做生意，當然要睇本地人嘅口味啦。佢話迎合內地客嘅產品，通常係銀碼大、分量高、包裝靚，事關可以買返去送禮啊！但港人就無此要求，消費上反而要價錢貼地、規格較細、包裝平實即可。但以食品市場而言，須注意港人嘅口味轉得好快，尤其是潮流性食品，如幾年前由韓星所帶動嘅蜜糖牛油味零食，就一度成為搶手貨；其他如日本拉麵、芝士撻、古早味蛋糕等亦曾受到消費者熱烈追捧，但如今已紛紛被打入冷宮，所以做生意真係要懂得洞悉潮流趨勢，不過大體而言，傳統口味嘅食品喺消費市場始終都有一席位。

講番同行嘅結業，黃偉鴻話唔單止少咗一個香港品牌，亦影響到供應商嘅營運。而佢間公司早前就接洽為「優の良品」生產豬肉乾嘅供應商，睇吓大家點樣合作，冀承接有關食品嘅市場空間咁話。