政情：黃傑龍被冒充 騙徒叫錯「黃接龍」

黃傑龍話尋日朝早收到多位網友嘅通知，指佢哋同時都收到「黃接龍」嘅交友邀請，跟住黃傑龍上網睇睇，發現呢個冒充佢嘅假頁面只係前晚至建立。至於名字「傑」變咗「接」，係由於兩字嘅普通話讀音頗為接近，佢相信騙徒係使用語音輸入。雖然唔知對方點解要冒充佢，但佢好幽默咁引用古希臘某哲學家嘅說話「有價值讓人冒充的代表成名了。」

雖然「黃接龍」呢個頁面好快消失，反映眾多網友嘅舉報係有效，不過佢都一再重申，網上騙案愈趨猖獗，大家務必謹慎以免成為受害人。