政情：家人中新冠 陳仲尼變「密接」

立法會累積確診個案為291宗。秘書處指該名確診職員最近返回中信大廈13樓辦公室嘅日期係6月14日，過去一星期未有踏足立法會綜合大樓。

另一宗個案則係秘書處議會事務部一名職員，其快測結果為染疫，而該名職員最近返回綜合大樓上班嘅日期為6月10日，當日佢主要逗留喺3樓。評估感染風險後，秘書處已安排消毒簡慧敏位於中信大廈13樓嘅辦公室及其附近位置，以及綜合大樓有關樓層、工作地點及公眾地方。

議員陳仲尼因為同住嘅家人染疫，而要自我隔離。陳尋日喺社交專頁貼文，話自己已被界定為密切接觸者，儘管近日進行嘅快速測試顯示為無染疫，身體亦無任何徵狀或不適，但都會按照政府指引自我隔離7日，因此未能出席未來一星期嘅公開活動，但佢仍然會喺家中處理議會嘅工作。