政情：林健鋒兒歌交心 主席：唔好走音

立法會尋日討論架構重組決議案，支持政府架構重組嘅林健鋒話，新設嘅3位副司長上任後需盡快說明其職責所在，以及可考慮成立「危機辦」，將動員機制發揮最大效用。跟住佢又形容候任特首就好似船長，既要指揮若定，亦要知人善任，需與新班子團結一致，跟住佢就指兒歌《一枝竹仔》嘅歌詞好有啟發性，有必要即場唱番幾句「一枝竹仔會易折彎，幾枝竹一扎斷節難，心堅似毅勇敢，團結方可有力量，嘿！」。

議員發言期間唱歌，究竟有無違反議規呢？梁君彥好明確咁話「議員講嘢嗰時唱歌係冇問題，不過最緊要唔好走音」。