政情：控制飲食減肥 黃俊碩堅毅無比

原來Edmund自8、9歲起，體重就比較高。但由前年開始，因疫情影響而少咗出街食飯，於是就乘勢減磅，結果體重由最高218磅，兩年內降至155磅！佢坦言減磅初期都好辛苦，形容好似「戒毒」咁完全謝絕零食，不過就堅持每日朝早食兩隻蛋，晏晝會食飯，但晚上就完全冇食澱粉質食品，嚴格限制每日攝取嘅卡路里。唔單止咁，佢仲每晚都會去維園跑步，不過後來拉傷就冇再跑喇。

講番醫療服務隊嘅經歷，佢話16歲喺學校參加制服團體，唔經唔覺就咁服務咗20年。擔任議員後雖然空閒日子不多，但都會趁住有人「甩底」嘅機會，自行補上參與活動。