政情：梁熙孖頭議辦開張 大雨撐場

話說梁熙同張國鈞兩位議員「孖頭」嘅地區辦事處，原先係由時任東區區議員、前議員鍾樹根開始租用，之後由張國鈞接手，舊年議會換屆就交返畀房署，結果早前畀梁熙抽番中。儘管辦事處曾遭汽油彈、紅油等襲擊，但最終都冇事，梁熙形容呢個辦事處係「家傳之寶」，好彩無甩到。

至於該黨主席致詞就話連日來天氣都唔穩定，擔心呢個地區議辦開張嘅日子會落雨，但好彩天公作美。然而美好嘅意願只係維持好短時間，去到影相環節就開始落雨，撐場嘅官員都要由梁熙擔遮護送下離開，及後更係滂沱大雨，眾人要搵地方避雨呀。