政情：陳祖恒快測中招 等緊入住隔離中心

陳前日如常參與立法會會議。雖則話快測結果為染疫，但並無出現任何病徵，即使流鼻水、頭痛等都無，尋日朝早如常喺返回立法會前進行快測，點知顯示出兩條線，隨後再進行多次檢測，都得出同樣結果。佢指因家中有4個小朋友，擔心佢哋感染病毒，即時進行自我隔離，以減低傳染風險。

陳又指，現時正等待衞生署聯絡，並配合政府措施，嚟緊可能會入住隔離中心。但佢又話雖然自己呢段時間未能參與立法會會議，但會繼續跟進同處理立法會事務及業界工作。