政情：公務員學院着重培訓使命歸屬感

曾服務警隊嘅候任公務員學院院長郭蔭庶，尋日出席觀塘綜合發展項目暨公務員學院動土典禮，期間被問到將來會否用訓練紀律部隊嘅方式嚟訓練公務員，佢就話過去幾年嘅社會狀況，包括抗疫工作等，警務人員及紀律部隊透過工作表現，證明有獨特可取之處。但佢又強調，能達致建立高效及有使命感嘅公務員團隊，任何訓練項目都值得採用，而不限於知識及技術，最重要係訓練服務人群嘅心態，包括歸屬感同使命感等。