昔日東方政情：立會再添確診 林智遠員工中招
第5波疫情近日有所反彈，立法會再有確診個案！繼日前批發及零售界議員邵家輝嘅職員「中招」，要消毒佢喺立會大樓8樓嘅辦公室後，鄰近嘅中信大廈議辦亦都有人染疫。
秘書處尋日再接獲一宗確診個案。該個案係選委會界別議員林智遠嘅一名職員，該職員經快速測試結果為感染新冠病毒。立法會累積確診個案287宗。
議辦同事改在家工作
秘書處話該名職員曾喺6月1日到訪立法會綜合大樓地下文件收發分組；最後返回中信大廈15樓辦公室上班嘅日期為6月2日。
林智遠同曾與該職員接觸嘅同事都做咗快測，結果都係冇染疫，而佢嘅議員辦事處所有同事暫時都會在家工作。
評估感染風險後，秘書處尋晚已安排消毒林智遠位於中信大廈15樓嘅辦公室，包括林工作嘅房間。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
