昔日東方政情：口頭質詢自由發揮 陳仲尼失威
議員發言必須依足規矩，畢竟莊嚴嘅議事堂並非榕樹頭啊！議員陳仲尼尋日喺立法會大會提出口頭質詢期間，竟然偏離議會慣常嘅做法「自由發揮」，結果講講吓就遭到主席梁君彥「閘」停。
畀主席叫停 場面尷尬
雖說「口頭質詢」，但議員必須事前向秘書處提交提問內容，然後再喺議事堂內依稿朗讀。而尋日大會嘅口頭質詢環節，陳仲尼詢問政府有關防範第6波疫情來襲嘅安排。
佢雖然有稿在手，但眼尾都唔瞄一下，即場發揮提問內容。結果梁君彥愈聽愈唔妥，皺起眉頭咁指出「陳仲尼議員，你應該要照講稿嚟去問嘅。」
陳仲尼聞言，即刻話「咁我照讀稿，唔好意思主席。」陳雖然屬於新丁議員，但喺議會6個月都未掌握規矩，搞到畀主席嗌停，真係尷尬。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
