政情：陸頌雄高歌取消對沖 議員讚感動

點解話係Ｎ次創作？陸頌雄唱嗰首歌係乜嘢來頭？其實係源於2021年6月27日，有鐵路迷喺宋皇臺站乘搭當日通車嘅港鐵屯馬綫，而呢位鐵路迷喺接受電視台訪問時，就喺鏡頭前以英國民謠《綠袖子》旋律唱出「屯馬開通真的很興奮」，隨即成為網絡熱話，好多人都爭相改詞倣效。

姑勿論佢唱成點，又或者唱得好唔好聽，但在座有部分議員聽到佢嘅激昂發言同慷慨高歌，亦有啲感動。

唔單止陸咁興奮，與陸同屬一個工會嘅議員鄧家彪話雖然二讀通過草案，還未到終點。但尋日以大比數通過嘅情況下，如無意外，今日都應該搞掂喇！而佢尋日喺議員辦公室請班同事食Tea，提早慶祝取消對沖快將通過。