政情：同經典漫畫戰車合照 陳學鋒惹熱議

呢款車小巧、輕量加上高性能，好多人都好鍾意。而陳學鋒話，其實佢係某日行過停車場，見到呢款車好有個性，所以都忍唔住拍照留念，而為咗私隱，都特登遮住人哋個車牌。佢亦都話有睇過相關嘅賽車漫畫，而平時都會揸車代步返工，甚至用作落區。佢仲話自己都係揸7人家庭車，做屋企人嘅司機，車佢哋周圍去喎。

不過，揸車嘅人都會遇上同一煩惱，就係泊車難。所以，佢都話嚟緊喺立法會上都會跟進泊車難、擠塞路段收費，同埋三隧分流等議題，務求令道路使用者同行人都得到便利。