林超英：港人移民就咪後悔

林超英早前出席網上訪談節目，期間佢雖然強調自己唔會移民，但佢認為人同動物都一樣，若果覺得原來生活嘅地方唔舒服，大可以選擇去另一處。然而一旦移居他邦，就要忘記自己嘅過去，完全融入人家嘅生活方式，就算覺得當地人處事唔夠精明或欠缺效率，都切勿以香港人嘅做法嚟指指點點，更加唔好講中國文化係好啲之類嘅說話，反而認同移居地嘅文化先至係更勝一籌，至可以喺新天地安安樂樂咁過活。林又話，移民係人生一個重要決定，所以事前一定要想得好清楚，佢話人生，係容不下後悔，亦都毋須後悔。