政情：迎端陽 郭玲麗教整五彩手繩

話說五行元素，都各自有其對應嘅顏色，而郭長久以來，都以為「金」應該係黃色，但師傅同佢講，答案其實係白色先至啱，至於同木、水、火、土對應嘅顏色，就分別係青、黑、紅、黃。講番五彩手繩，就當然係包含五行元素啦。按傳統，長輩喺端午節當日，為子女或兒孫等晚輩喺手腕上繫上五彩手繩，有祈福納吉嘅寓意，係象徵祝福嘅活動。

就喺師傅示範編織手繩嘅時候，議員黃俊碩中途加入，於是郭玲麗取出一條先事織好嘅手繩為黃戴上，但此時郭醒起黃並非晚輩，動作一度猶豫，但黃好快就話郭係代議士，位高權重呀，郭亦自我解圍咁話，祝福嘅嘢，無咩所謂。之不過，礙於呢條事先織好嘅手繩唔夠長，不能繞過黃粗壯嘅手腕，始終無法繫上。