政情：搶先遊沙頭角禁區 林健鋒讚有趣

為配合北部都會區發展，當局逐步開放沙頭角禁區，並將嚟緊嘅周末推行試驗計劃，容許指定旅行團使用沙頭角碼頭，乘船前往荔枝窩、吉澳等鄰近地點遊覽。經民聯議員林健鋒近日亦聯同其黨友包括梁君彥、盧偉國、石禮謙同張華峰等，率先遊歷沙頭角禁區，話嗰度風景優美，就算疫情下市民無法外遊，香港仍有好多美麗景點，建議大家出去遊玩放鬆一下。