政情：資深葉劉也失言 嗌錯黃國做黃國健

事緣尋日立法會人事編制小組委員會，討論緊廉政公署增設職位嘅議案。當輪到黃國發言時，主席葉劉淑儀就叫黃國健議員發言，同黃國僅一字之差。黃國呢個時候就話「多謝呀主席，黃國健依家應該退咗，我係黃國」場面好尷尬囉。

其實黃國同黃國健同屬一個工會，而黃國健係前議員，依家仲係行政會議成員，唔知係咪仍然每個禮拜都同葉劉一齊開行會，所以葉劉仲覺得黃國健仍然喺立法會呢？不過，以前黃國未做議員嘅時候，都已經好多人撈亂，以為黃國健同黃國係同一個人。