政情：重建九龍城 楊永杰憂打散美食風情

佢話今次重建計劃牽涉嘅範圍非常大，該區嘅老店即使得到賠償，但要喺同區搵舖位經營可謂非常困難。當一眾老店都搬咗去其他區域，九龍城區一貫以來嘅美食文化就有機會「散咗」，儘管巿建局話將會喺綠化行人步道嘅兩旁，興建特色店舖同食肆，但佢相信老店一旦喺其他地區重操故業，就未必會搬番嚟囉！

重建計劃將喺賈炳達道公園劃出地方以重置九龍城街巿，佢擔心咁樣會令區內街坊失去晨運同跑步嘅地方，而重建計劃所提供嘅泊車位亦非常有限，恐怕會加劇區內嘅交通擠塞情況。