昔日東方政情：玩VR輸到暈 林琳被封「渣渣琳」
新興概念「元宇宙」即使唔係人人都能理解，但亦無阻議員林琳玩相關嘅虛擬實境遊戲。林琳尋日就上載佢首次接觸虛擬實境遊戲嘅短片。戴上VR眼鏡嘅佢，揮動節奏光劍嘅動作不但有啲生硬，仲話玩極都輸，又自爆綽號「渣渣琳」添。之不過，佢話其實都幾好玩，下次會叫埋其他議員，甚至邀請立法會主席梁君彥一齊嘗試喎。
事後林琳話，佢對眼其實唔係好適應VR眼鏡嘅超廣闊視角，玩玩吓仲覺得好暈添。雖然一路玩一路輸，但係旁人聽到佢對於遊戲畫面嘅生動描述，都話有身歷其境嘅感覺，建議佢不如試吓做遊戲直播咁話。
話一個人揈吓揈吓好弱智
第一次接觸呢啲新事物，林琳話自己唔係成日打機，又覺得一個人揈吓揈吓好弱智，但叫埋成班議員就唔同啦！反正香港成日都話要發展創科，議員對新科技都需要了解嘅。有見及此，佢希望暑假前可以邀請議員一齊喺立法會5樓草地試玩，屆時仲會錄影，拍低各種精彩瞬間。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
