昔日東方政情：拖逾10年 元朗大球場將展重建
立法會工務小組尋日通過元朗大球場重建計劃。事實上，逾50年歷史嘅元朗大球場重建拖延超過10年，早於2011年已「放風」修葺球場，到2013年諮詢區議會，2018年批出前期工程撥款，時隔4年如今再申撥主體工程撥款，獲工務小組通過後，將交財務委員會審議。惟會上多名議員提到，工程拖延長時間，質疑最終能否如期在4年內完成，以及擔心球場泊車位不足等問題。
重建元朗大球場計劃，估計所需費用由原本嘅15.27億元下降至13.65億元。
需時4載 耗逾13億公帑
但議員狄志遠就提到，當年重建旺角大球場用咗兩年時間，花費約2億元；元朗大球場則要4年耗資逾13億，要求當局解釋。議員劉國勳則關注工程是否如期完成，又指泊車位只得104個未必足夠。另外，議員陸頌雄及謝偉銓關注球場由提出至今10多年，批評地區民康措施進度緩慢。
民政事務局體育專員楊德強回應話，有信心4年左右嘅時間能完成整個工程，至於泊車位由60多個增加至100多個，相信可應付大球場本身嘅需要，檢視過並無空間再增加泊車位。楊又指，當局已完成招標，得到立法會撥款後今年中能夠開始工程，預計2026年中完成。至於旺角球場重建，佢解釋指已係10多年前嘅事，加上當時球場改動相對較少，工程費用及設計不能直接比較。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
