昔日東方政情：獲獻計慳逾億工程開支 政府回絕
政府工程造價高昂並非新鮮事。議員何君堯喺本月中去信土木工程拓展署，指觀塘行動區發展嘅部分基建設施，所涉嘅工程開支應轉嫁畀發展商承擔，以節省公帑。不過局方尋日回覆話，認為政府進行工程可以更早完成。換言之，即係一口回絕。
何君堯倡部分轉嫁發展商
何君堯話整個項目涉款約6.14億元，但如果將部分道路改善工程、重鋪電纜、重整危險倉、碼頭等事項，於拍賣時列明由發展商承擔，預料可以為庫房節省逾億元。但政府似乎就冇接納議員意見喇。
對於政府嘅回覆，何話政府足足用5段講及交通問題，直言感覺似「此地無銀三百兩」，會喺立法會工務小組開會嘅時候再次質詢。
何君堯又話政府成日講道路足以承受交通壓力，但依家突然之間「十萬火急，唔做唔得」，令佢感到疑惑。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
