政情：忙議會少郁動 6議員組團練跑

喺鄭泳舜上載社交專頁嘅相片可見，議員跑步團成員除咗佢之外，仲有狄志遠、陸頌雄、林素蔚、陸瀚民同邱達根。鄭話議會工作繁忙，活動量好有限，所以一有空閒就要做下運動，於是早前佢就約埋幾位有練跑習慣嘅同事，尋日開完會之後進行集體操練，至於路線就係由添馬公園沿住海濱，跑去西環中山紀念公園然後折返。

所謂「獨樂樂不如眾樂樂」，鄭話組團練跑梗係開心過一個人跑啦！佢又提到議員裏面都有其他運動嘅高手，好似吳永嘉就係羽毛球健將，因此佢希望喺跑步團以外，再組其他運動嘅隊伍如足球隊，搵機會同其他嘅團體較量下咁話。