政情：林智遠擺烏龍 嗌錯田北辰為田北俊

立法會大會尋日討論田北辰所提出嘅「正視本港虐待兒童問題、保護兒童權益」議案，但點知林智遠就講錯人名，講咗佢哥哥田北俊。話說林智遠發言第一句，就表示多謝及支持田北俊提出嘅議案，跟住就引用日前男童挨跌標價5萬港元嘅天線得得B事件，指涉事小朋友即場呆咗，認為成人每個行動都可能影響小朋友生理同心理健康。

聽到同事嗌錯自己個名，到底田北辰有無即場呆咗呢？咁就不得而知，但肯定嘅係林智遠並唔知自己擺咗烏龍，仍然滔滔不絕咁發言，直至尾聲之時再錯多一次「本人支持田北俊議員提出嘅議案，同埋其他議員提出嘅修正案」，結果林話音剛落，主席梁君彥隨即糾正話「應該係田北辰議員」先至啱。