政情：中西醫協作齋噏 陳恒鑌嘲陳肇始太忙

陳恒鑌提出口頭質詢，批評當局「講中西醫協作講咗20幾年，中西醫駐院服務講咗10幾年」，但現時41間醫院，只有8間院舍推行有關計劃，諷刺醫院管理局喺推行上「好積極」，佢又關注當局有否具體措施加快中醫藥普及化，包括參考內地嘅做法以完善中醫藥嘅法例同體系。雖然陳肇始回應話，當局掌握中醫藥發展基金推展嘅項目及與業界聯繫，於抗疫期間亦多次同中醫藥發展委員會開會，不過陳恒鑌隨即指出，其實中醫藥發展委員會近年好少開會，而箇中原因，係「局長非常之忙」喎。

議員林振昇亦批評政府早前答允為確診市民提供10次免費中醫服務，但奈何預約困難。林亦詢問當局有否預計未來中醫行業嘅人手需求，以便培訓上配合。陳肇始話喺建設首間中醫院上有全面評估，亦預留款項作人才培訓，並按時間表執行。