政情：鄉村建污水收集系統 劉業強籲免長者業主資產審查

立法會環境事務委員會尋日開會，討論政府建議將北區、荃灣同葵涌設置污水收集系統升為甲級工程，當中包括咗木湖、老圍、川龍同九華徑舊村，劉業強要求政府縮短工程時間，同埋將污水收集系統擴展至全港所有鄉村。事關污水收集系統係改善鄉郊環境同衞生條件嘅重要設施，依家仲有好多條鄉村未鋪設。

佢話「鄉村污水收集系統計劃」嘅工程，依家完成259條，68條正在興建，當局表明其他鄉村相關工程嘅緩急次序，主要視乎鄉村受污染程度、人口多寡、鄉村位置係咪接近污水幹渠同村民的意願而決定，未來會爭取更多工務經費，改善鄉郊排污系統。