政情：當年沉迷打機 容海恩盼千金悟出道理

佢話依家鍾意玩啲唔使點用腦嘅遊戲，但以前就鍾意玩有故事同懸疑嘅遊戲，呢啲要好花時間同埋要買埋本好似「書咁厚」嘅打機攻略先得，而玩呢類遊戲要理解到背後一個大團隊去做，包括拍片、音響同歷史記載，呢個背後嘅團隊令人覺得整個遊戲嘅計劃係好發人深省，而唔係幾分鐘嘅快感，所以要教育小朋友，要佢哋了解幕後嘅團隊。

被問到有小朋友終日沉迷打機，一家人點樣可以做到好融洽同互動時，佢話最重要嘅問題係大家欠缺咗溝通，首先要有共同話題開始，例如家長要了解多啲仔女點解鍾意打機，尤其依家好多騙案，呃買點數卡同買武器，所以家長掌握嘅資訊都要與時並進亦要警惕仔女，點打機唔緊要，但要約法三章，例如打幾耐時間、幾時要休息，事關遊戲機可以無止境打落去，但人生係要控制時間，教導小朋友，佢哋打機要達到乜嘢目標。