要聞港聞

政情:樂悠咭多迷思 老友記遲疑

年屆65歲或以上嘅合資格人士,可於下月1日開始分階段申請樂悠咭,以繼續享用兩元乘車優惠。前議員鄺俊宇就指,即使當局推出措施,長者八達通內嘅消費券或餘額紀錄,可以轉移往新嘅樂悠咭,但當中仲有一啲未曾交代清楚嘅細節,困擾唔少長者,冀八達通公司可以公布更多詳情。
擬於7月推出
鄺俊宇尋日拍片,指八達通公司將於7月推出服務,長者可以將八達通卡嘅紀錄轉移至新嘅樂悠咭。然而八達通除咗消費,亦有其他功能,譬如八達通卡可綁定某銀行戶口自動增值;仲有就係部分屋苑嘅門禁系統採用八達通卡出入,到底呢啲服務又能否轉去新嘅樂悠咭呢?究竟長者八達通卡資料能否100%轉移呢?佢呼籲八達通公司應該盡快講清楚,無謂令老友記心掛掛吖。
另外,鄺又提到47萬人申請一萬元嘅臨時失業支援金,但不獲批者竟高達10萬,形容係非常離譜嘅數字。佢話若非疫情重創經濟,又點會有咁多人需要呢筆援助金?佢又批評喺大白象基建、又或者一啲「唔等使」嘅項目,政府花錢非常豪爽;至於還富於民嘅公帑,即使區區之數亦非常孤寒,關卡重重且極其嚴謹,佢質疑所謂失業支援計劃,到底係咪真心幫市民呢?
第一手消息請下載on.cc東網 iPhone/ iPad/ Android/
人人做記者
爆料方法 :
爆料熱線:
(852) 3600 3600
傳 真:
(852) 3600 8800
SMS:
(852) 6500 6500