何俊賢畀政府一年交代元朗南農業搬遷

政府計劃用逾73億元發展元朗南成為一個新市填，將會分3期發展。漁農界議員何俊賢（高佬賢）早前曾經批評政府冇交代發展區內嘅農業搬遷問題，而當局亦已回覆同交代會成立一個跨部門工作小組處理有關事宜，但佢仍然有不滿，尋日喺工務小組委員會會議上話會選擇畀跨部門工作小組3個月至一年時間，期望小組能就禽畜農場建議復業嘅選址等，畀業界明確交代。

交通配套難應付人口

高佬賢又批評禽畜業因相關發展大受影響，業界生計岌岌可危，更形容市民對政府信任度偏低，源於長年累月嘅矛盾，揚言感到感觸，期望政府能踏出第一步。

高佬賢又話會選擇畀跨部門工作小組3個月至一年時間，期望小組能夠就禽畜農場建議復業嘅選址、復業農場業務整合同現代化嘅可行性、具體協助等，畀業界明確交代。

另一議員周浩鼎擔心當區交通配套未能承載預期增長人口，佢話政府應盡可能加快當區發展，事關目前進度未如理想，同時考慮到公庵路同十八鄉交匯處擠塞，認為有必要預留額外位置擴闊道路，應該加快規劃集體運輸系統，包括高架及單軌列車嘅安排，以應付區內未來近10萬人口嘅交通需要。佢又話應該考慮新增單車徑，畀市民作代步工具再轉乘港鐵，疏導人流咁話。

對於有議員批評工程拖延太耐，要求當局加快進度。發展局回應話，無法承諾提早落成工程嘅年份，但話會力所能及地加快速度。