政情：陳曼琪：改善院舍配套 提升安老服務

Maggie喺立法會一個小組委員會會議上話，增加安老院舍宿位嘅目的係改善安老院舍服務質素，最終達致整體提升安老服務，以人為本。佢話應該喺多方面改善安老服務同長者照顧質素，包括鼓勵促進發展安老科技應用，提升安老院舍服務質素，同埋透過市民大眾使用樂齡科技應用，更方便、有效達致居家安老。

老實講，依家安老院嘅人手嚴重短缺，佢亦話應該透過科技應用改善院舍人手短缺同提升人才培訓，亦要優化個別安老工作程序，減輕員工所需嘅體力負擔，從而更有效培育同留住安老服務人才。為咗更有效增加安老院舍宿位，佢建議着手討論研究鼓勵性政策，包括鼓勵推動大型單位嘅私人物業業主同安老院舍經營者合作，兼且簽訂較長年期租約。