要聞港聞

政情:林筱魯︰釐清發展保育定義 防收地補償爭議

北部都會區未來需收回700公頃私人土地。 北部都會區未來需收回700公頃私人土地。
北部都會區未來需收回700公頃私人土地。
發展局早前公布修訂收地補償安排,將特惠分區補償制度,由過往按偏遠程度而劃分嘅4級,改為按功能嚟界定發展同非發展用途嘅兩級,同時增加發展需要收回農地嘅補償。議員林筱魯尋日出席電台節目話,憂慮會出現爭議,舉例話發展北部都會區,未來需收回嘅700公頃私人土地,當中既有農業,亦有康樂用途,到底應界定為發展還是保育,宜有明確定義。
質疑收地保育冇成本效益
林筱魯話今次嘅修訂方向正確,但都冇可能完全排除收地爭拗,認為收地所面對嘅問題不單只係金錢問題,而係點樣重置產業。佢質疑政府透過收地進行保育做法唔合乎成本效益,目前沙螺洞透過換地保育同荔枝窩等都只係使咗幾億元,但收地方式就至少要過百億元。
至於長期困擾香港嘅房屋問題,林話即使改建社區隔離設施,亦只可以提供一萬幾千個居住單位,不足以令市民安心。林又指政府提出嘅《長遠房屋策略》,定下10年總房屋供應包括30萬個公營房屋單位嘅目標,然而預計頭5年只落成三分之一,餘下三分之二要喺後5年落成,形容係「頭輕尾重」嘅問題。林建議政府聚焦長遠房屋建設,積極研究壓縮程序,解決未來5年土地房屋供應。
補償加碼憂牽制買地價格
出席同一節目嘅建築、測量、都市規劃及園境界議員謝偉銓就話,現有嘅收地框架沿用40多年,而新界偏遠地區嘅基建交通已改善,發展用途亦有變化,認同有需要檢視現有收地安排。佢相信加大補償金額短期內可以加快收地,但憂慮長遠會對市場買地價格造成牽制作用。
謝認為下屆政府提出嘅「公屋提前上樓計劃」短期內可增加市民上樓機會,但如果喺配套同埋基建不足下入伙,可能會引起不必要申訴,最終都要增加房屋供應量。至於係咪應該以社區隔離設施用作過渡性房屋,佢認為唔應該一刀切,部分市民考慮硬件同位置後,可能傾向選擇住喺劏房,所以最重要嘅仍然係加快興建公營房屋咁話啦。
林筱魯認為政府要積極研究建屋嘅壓縮程序。林筱魯認為政府要積極研究建屋嘅壓縮程序。
林筱魯認為政府要積極研究建屋嘅壓縮程序。
謝偉銓話「公屋提前上樓計劃」可能引起申訴。謝偉銓話「公屋提前上樓計劃」可能引起申訴。
謝偉銓話「公屋提前上樓計劃」可能引起申訴。
第一手消息請下載on.cc東網 iPhone/ iPad/ Android/
人人做記者
爆料方法 :
爆料熱線:
(852) 3600 3600
傳 真:
(852) 3600 8800
SMS:
(852) 6500 6500