政情：鄭國漢寄語學生 理性談政治

鄭指，學校並唔係唔承認學生會，只係其會員只佔整體學生嘅8%，認為認受性低，故決定收回場地。佢又指，過去數年經常與學生舉辦對話論壇，解答學生問題，稱唔少學生係「沉默的大多數」，大多人都唔會主動提出唔支持學生會嘅意見咁話。

另外，學校亦公布咗未來6年，即2022至28年度嘅策略發展計劃，未來將推動7個策略領域發展，包括「優化數碼時代的博雅教育」、「增強研究生教育」、「激勵具影響力的研究」、「結合負責任領導能力和全球本地化企業家精神」等。舉例「優化數碼時代的博雅教育」係進一步擴大同發展新本科課程，例如創意藝術、文化和創意產業、數碼經濟等，亦會探討與其他院校合作開辦雙學位和課程嘅可行性。

嶺大亦會提升校園基礎設施及擴建，如增建實驗室，供教授音樂、科學和人工智能課程之用，又會興建嶺南坊，並計劃喺屯門主校園以外增設更多教學設施。